Yn ddiweddar, gwnaeth yr Ymddiriedolaeth Genedlaethol apêl arbennig am fwy o siaradwyr Cymraeg i wirfoddoli gyda hwy fel y gallent gynnig mwy o wasanaethau a gweithgareddau yn Gymraeg. Os hoffech ddarllen mwy, ewch at safle we BBC Cymru. www. bbc.co.uk/cymru

Gall Estyn Llaw helpu eich mudiad chi i lunio strategaeth recriwtio wedi ei anelu’n benodol at siaradwyr Cymraeg. Ydy eich mudiad chi yn defnyddio’r Gymraeg wrth hysbysebu? Oes gan eich mudiad chi broffeil yn y wasg a’r cyfryngau Cymraeg? Ydi eich mudiad chi yn mynychu digwyddiadau Cymraeg. Cysylltwch gyda ni. Rhowch wybod hefyd os hoffech chi hysbysebu gwaith eich mudiad ar ein safle we.

Cefnogi Siaradwyr Cymraeg

Wyt ti am wirfoddoli

Cyfleoedd Gwirfoddoli cyfrwng Cymraeg

Holiadur Gwirfoddoli

Am wybodaeth am Bapurau Bro pob ardal yng Nghymru ewch i safle we; www.bbc.co.uk/cymru

Am wybodaeth am ddigwyddiadau Cymraeg yn eich ardal, ewch i safle we www.mentrau-iaith.com neu www.bbc.co.uk/cymru

Cefnogi siaradwyr Cymraeg

Wrth geisio denu siaradwyr Cymraeg, dylai pob mudiad gwirfoddol sylweddoli ei fod yn bwysig bod siaradwyr Cymraeg yn medru teimlo’n gartrefol o fewn y mudiad. Yn hyn o beth, gall Estyn Llaw gynghori eich mudiad chi ar y math o gamau y gallech gymryd i gwrdd ag anghenion cefnogaeth siaradwyr Cymraeg.

Gyda llaw, mae cynnig cyfle i wirfoddolwyr neu staff i wella eu sgiliau Cymraeg wrth siarad neu ddarllen neu ysgrifennu yn bwysig hefyd ac mae gan Estyn Llaw wybodaeth am gyrsiau i’ch helpu.

Wyt ti am wirfoddoli?

Os oes gennych ddiddordeb mewn gwirfoddoli’n ffurfiol neu weithio i fudiad gwirfoddol, gallwn ni eich cefnogi i chi ddefnyddio’ch Cymraeg er mwyn cynyddu dwyieithrwydd yn y mudiad. Gallwn ni hefyd eich cynghori am gyfleoedd gwirfoddoli penodol yn y Gymraeg naill ai mewn mudiadau sy’n gweithio trwy gyfrwng y Gymraeg neu mewn rhai sy’n gweithredu’n ddwyieithog.

Os am fwy o wybodaeth cyffredinol am wirfoddoli, gallwch edrych ar wefan Gwirfoddoli Cymru;www.gwirfoddoli-cymru.net.

Cyfleoedd Gwirfoddoli cyfrwng Cymraeg

Mae CSV Cymru (Community Service Volunteers) yn ymwybodol iawn o bwysigrwydd sicrhau dewis iaith o fewn y sector gwirfoddol. Maent o’r farn bod gweithredu’n ddwyieithog o fewn y sector o fudd i bawb. Medd Gwion Evans, Rheolwr Gwirfoddoli cyfrwng Cymraeg CSV;

“Mae’r defnyddwyr gwasanaethau yn ennill trwy fedru dewis iaith ac mae’r elusennau neu sefydliadau yn lledaenu eu hapêl gan ddenu mwy o wirfoddolwyr a chodi proffil mewn ardaloedd ac elfennau o’r wasg oedd yn ddieithr iddynt cynt.”

Er hyn, mae ymrwymiad CSV Cymru tuag at ddwyieithrwydd yn amgenach na’r syniad o arfer da a chynllun iaith sy’n sicrhau gwasanaeth yn y Gymraeg.

Mae’r mwyafrif o’u cynlluniau gwirfoddoli yn ymwneud â meysydd sensitif iawn, er enghraifft ym meysydd digartrefedd, cyfiawnder ieuenctid a’r sector gofal. Mae’n hanfodol bwysig i’r bobl sy’n elwa o’r gefnogaeth a ddarparir gan ein gwirfoddolwyr eu bod yn medru cyfathrebu a mynegi eu hunain yn rhugl a thrwy wirfoddolwyr dwyieithog mae hyn yn bosibl gan bod pobl yn medru troi i’r Gymraeg pe dymunent.

Mae gan CSV Cymru gynllun unigryw sydd yn galluogi pobl i wirfoddoli’n llawn amser. Mae gwirfoddolwyr yn ymrwymo i gyfnod rhwng 4 a 12 mis, fel arfer i ffwrdd o’u cartref. Gall natur y gwirfoddoli amrywio – mentora pobl ifanc sydd mewn perygl o droseddu, helpu pobl mewn hostel i’r digartref, cynorthwyo pobl anabl, rhoi cyfle i fyfyrwyr anabl i fyw’n annibynnol yn y coleg a nifer o gyfleoedd eraill. Yn ogystal â llety, mae’r gwirfoddolwyr yn derbyn lwfans wythnosol o £64.50.

Mae CSV yn cydweithio gyda miloedd o gyrff a sefydliadau trwy’r DU, gan gynnwys Gwasanaethau Cymdeithasol, Cymdeithasau Tai, Timoedd Troseddu Ieuenctid, Elusennau sector gofal a llawer mwy.

Ar hyn o bryd, mae CSV wrthi’n datblygu cyfleoedd gwirfoddoli dwyieithog ac felly’n apelio am bobl ifanc sy’n chwilio am her, yn awyddus i fyw’n annibynnol ac i helpu i wneud gwahaniaeth i gymunedau trwy Gymru.

Am fwy o wybodaeth, cysylltwch â Gwion Evans – Rheolwr Gwirfoddoli Cyfrwng Cymraeg CSV Cymru, ar 01792 301188 neu gevans@csv.org.uk

Holiadur Gwirfoddoli>>