Sefydlwyd Cynllun Estyn Llaw yn 2000 i gefnogi mudiadau gwirfoddol a chymunedol i gynyddu eu dwyieithrwydd ac i hybu gwirfoddoli ymysg siaradwyr Cymraeg. Rheolir y prosiect gan Iaith Cyf. ac rydym yn gweithio o swyddfeydd y cwmni yn Aberystwyth a Chastell Newydd Emlyn.

Nod ac Amcanion

Mae gan Gynllun Estyn Llaw ddau brif nod;

• Cefnogi mudiadau gwirfoddol a chymunedol i ddatblygu dwyieithrwydd
• Cynyddu gwirfoddoli trwy gyfrwng y Gymraeg.

Dulliau

Mae Cynllun Estyn Llaw yn gyson yn datblygu ei ddulliau gweithredu ac rydym yn ddigon hyblyg i ymateb i anghenion amrywiol gan fudiadau a gwirfoddolwyr/ wragedd mewn gwahanol ardaloedd. Yn gyffredinol, rydym yn defnyddio dulliau gweithredu cymunedol ac yn awyddus i weld prif-ffrydio’r Gymraeg fel rhan ganolog o waith y sector. Rydym yn trefnu ein gwaith mewn partneriaeth gyda nifer o gyrff allweddol eraill megis; Cyngor Gweithredu Gwirfoddol Cymru, Cynghorau Gweithredu Gwirfoddol, Biwros Gwirfoddoli lleol a Mentrau Iaith.

Dyma flas ar y math o weithgareddau diweddar y buom yn eu harwain neu yn cyfrannu atynt ;

• Cynnal arolygon ymchwil i edrych ar batrymau gwirfoddoli Cymraeg a lefelau gweithio dwyieithog mudiadau a sefydliadau yn y sector gwirfoddol
• Rhannu gwybodaeth ac ymgyrchoedd codi ymwybyddiaeth am bwysigrwydd dwyieithrwydd trwy’r sector gwirfoddol
• Sefydlu cytundebau gweithio gyda mudiadau unigol trwy gyswllt gyda Swyddogion Maes sy’n darparu cyngor a gwybodaeth
• Ymgyrchoedd recriwtio gwirfoddolwyr dwyieithog
• Rhannu gwybodaeth ac ymgyrchoedd codi ymwybyddiaeth ymysg rhwydweithiau Cymraeg am gyfleoedd gwirfoddoli
• Trefnu a datblygu hyfforddiant i hybu gweithio dwyieithog yn y sector gwirfoddol
• Cynnal arddangosfeydd mewn digwyddiadau lleol

Mentrau Iaith Gymraeg

Ceir Mentrau Iaith yn y rhan fwyaf o ardaloedd yng Nghymru. Cysylltwch gyda nhw i weld pa weithgareddau sy’n mynd ymlaen yn eich ardal chi i hybu’r Gymraeg ac i rwydweithio gyda siaradwyr Cymraeg. Edrychwch am fanylion cyswllt y Mentrau Iaith ar eu safle we; www. mentrau-iaith.com